АСТАНА. 4 ақпан. Еlsport.kz. — Камерундық орталық жартылай қорғаушы Артур Бугнон «Ұлытау» футбол клубының құрамын толықтырды.
Артур бірнеше елдің чемпионаттарында ойнап, мол тәжірибе жинаған. Ол Тәжікстанда «Фейзанд», Беларусьте «Слуцк» клубтарының намысын қорғады. Сондай-ақ Қазақстан Премьер-лигасында Қарағандының «Шахтер» сапында өнер көрсеткен.
Жасы: 25
Бойы: 1,80 м
Позициясы: орталық жартылай қорғаушы
Жезқазғанның «Ұлытау» клубы 53 жастағы қазақстандық маман Нұркен Мазбаевпен келісімшартты ұзартқанын ресми түрде жариялады.
Мазбаев команда тізгінін 2025 жылғы маусымның ортасында қолға алып, клубты Премьер-лигадағы орнында сақтап қалуға қол жеткізді.
Маманның маусым соңындағы көрсеткіштері келесідей: 12 матч, оның ішінде 2 жеңіс, 5 тең ойын және 5 жеңіліс.
