Алматылық «Қайрат» клубының бас бапкері Рафаэль Уразбахтин Чемпиондар лигасының жалпы кезеңі аясында «Олимпиакосқа» қарсы өтетін матчқа арналған алдын ала баспасөз конференциясында командадағы басты мәселе мен ойнау стилі туралы айтты.
«Біздің ойындарымыз кенеттен өзгермейді. Біз батыл футбол ойнауға тырысамыз. Стилімізден таймай, агрессивті ойнап, қарсыластарға кеңістік бермеуге ұмтыламыз. Көрсетіп отырған стилімізді сақтаймыз. Үйде ойыншыларды агрессивті әрі жинақы ойнауға баулимыз», – деді Уразбахтин.
